Home » Promotions
မိမိကြိုက်နှစ်သက်ရာကုန်ပစ္စည်းအပြင် လူမှုအသုံးအဆောင်တွေကို ၆ လအထိ အတိုး လုံးဝ (လုံးဝ) ပေးစရာမလိုဘဲ အရစ်ကျစနစ်နဲ့၀ယ်ယူနိုင်မယ့်အပြင် မိမိဝယ်ယူလိုက်တဲ့ ကုန်ပစ္စည်းရဲ့ တန်ဖိုးအပေါ်မှာ အတိုးနှုန်းကိုပါ ပြန်လည်ခံစားခွင့်ရမယ် အထူးအစီအစဥ်လေးတစ်ခုကို Myanmar Citizens Bank – MCB ဘဏ်မှ ယူဆောင်လာပါပြီရှင်။
Myanmar Citizens Bank – MCB ဘဏ်နဲ့ Brilliant Boss Co., Ltd တို့မှ ပူပေါင်းစီစဥ်ထားတဲ့ အတိုးလုံးဝပေးစရာမလိုတဲ့အပြင် ၆ လအတိုးမဲ့အရစ်ကျဝယ်ယူနိုင်မယ့်အထူးအစီအစဥ်မှာတော့ Brilliant Boss ကုမ္ပဏီနဲ့ ချိတ်ဆက်ထားတဲ့ မိတ်ဖက် ဆိုင်တွေမှာ မိမိကြိုက်နှစ်သက်ရာ လူမှုအသုံးအဆောင်ပစ္စည်းတွေကို အလွယ်တကူ ရွေးချယ်ဝယ်ယူနိုင်မှာဖြစ်ပါတယ်ရှင်။
ဒီအစီအစဥ်မှာတော့ မိုဘိုင်းနဲ့လျှပ်စစ်အသုံးအဆောင်ပစ္စည်းများအပြင် အိမ်ယာပရိဘောဂပစ္စည်းများ၊ မျက်မှန်နှင့် မျက်စိကုသမှုများနဲ့ ညောင်ဦးဖီးကျွန်းခရီးစဥ် အစရှိတဲ့ ဝန်ဆောင်မှုများကိုပါ အတိုးလုံးဝ (လုံးဝ) ပေးစရာမလိုဘဲ ၆ လ အရစ်ကျစနစ်နဲ့ ချိတ်ဆက်ဝယ်ယူနိုင်မှာဖြစ်ပါတယ်။
မိမိဝယ်ယူလိုသည့် ကုန်ပစ္စည်းကို MCB ဘဏ်၏ “ငွေစု စျေးဝယ်” အစီအစဥ်နဲ့ ချိတ်ဆက်ဝယ်ယူပါက မိမိရဲ့ လက်ရှိငွေသားမပျောက်ပျက်တဲ့အပြင် စုဆောင်းငွေအကောင့်အမျိုးအစားအလိုက် အတိုးနှုန်းကို ခံစားရရှိနိုင်မယ့်အပြင် ကုန်ပစ္စည်းရဲ့တန်ဖိုးအပေါ် ၆ လ အတိုးမဲ့စနစ်ဖြင့် ငွေပေးသွင်းနိုင်မှာဖြစ်လို့ ဝန်မပိစေဘဲ မိမိဝယ်ယူလိုသည့် ကုန်ပစ္စည်းကို လွယ်ကူစွာ ဝယ်ယူနိုင်မှာဖြစ်ပါတယ်ရှင်။ အခုလို အတိုးလည်းရ၊ မိမိဝယ်ယူလိုသည့် ကုန်ပစ္စည်းကိုလည်း ပိုင်ဆိုင်ရမယ့်အခွင့်အရေးကုိ ရယူလိုတယ်ဆိုရင်တော့ နီးစပ်ရာ MCB ဘဏ်ခွဲများနဲ့ အောက်ပါမိတ်ဖက်ဆိုင်များမှာ အသေးစိတ် စုံစမ်းမေးမြန်းရင်း ဝယ်ယူနိုင်မှာဖြစ်ပါတယ်ရှင်။
“ငွေစု စျေးဝယ်” အစီအစဥ်နဲ့ ချိတ်ဆက်ပြီး ၆ လ အတိုးမဲ့ အရစ်ကျစနစ်နဲ့ ဝယ်ယူချင်တယ်ဆိုရင်တော့ အောက်ပါစည်းမျဥ်းစည်းကမ်းသတ်မှတ်ချက်များအတိုင်း လိုက်ပါဆောင်ရွက်ရုံနဲ့ မိမိဝယ်ယူလိုတဲ့ အသုံးအဆောင်ကုန်ပစ္စည်းတွေကို လွယ်ကူလျှင်မြန်စွာ ဝယ်ယူနိုင်မှာဖြစ်ပါတယ်။
၆ လ အတိုးမဲ့ အရစ်ကျစနစ် “ငွေစု စျေးဝယ်” အစီအစဥ်ကို လက်ရှိအချိန်မှာတော့ ရန်ကုန်နဲ့ မန္တလေးအတွင်းရှိ မိတ်ဖက်ဆိုင်များတွင်သာ ဝယ်ယူရရှိနိုင်မှာဖြစ်ပြီး အခြားပြည်နယ်နှင့်တိုင်းများရှိ မိတ်ဖက်ဆိုင်များနဲ့လည်း ထပ်မံချိတ်ဆက်ပြီး ဝန်ဆောင်မှုပေးနိုင်ဖို့အတွက် အမြန်ဆုံး ကြိုးစားဆောင်ရွက်လျက်ရှိပါတယ်ရှင်။