လေးစားအပ်ပါသော အစုရှယ်ယာရှင်များအားလုံး မင်္ဂလာပါခင်ဗျား။
ကျွန်တော်တို့၏ Website သို့ဝင်ရောက်ကြည့်ရှုသည့်အတွက် ကျေးဇူးတင်ရှိပါသည်။ ကျွန်တော်တို့၏ Website တွင် ဘဏ်နှင့်ပတ်သက်သော အချက်အလက်များကို ဖော်ပြထားရုံသာမက ဘဏ်အကြောင်း၊ အဓိကပုဂ္ဂိုလ်များ၊ Board of Director များ၊ Management Team ၊ ဘဏ်၏ဘဏ္ဍာရေးအချက်အလက်များ၊ ဘဏ်ခွဲများ၊ ATM များနှင့် ဒီဂျစ်တယ်ချန်နယ်များ၊ ဘဏ်၏ဝန်ဆောင်မှုများစသည်တို့နှင့်ပတ်သက်သော အချက်အလက်အမျိုးအစားအားလုံးကိုပါ ကြည့်ရှုနိုင်မည်ဖြစ်ပါသည်။ ကျွန်တော်တို့၏ Website တွင် သာမန် အချက်အလက်များအပြင် ငွေစာရင်းဖွင့်လှစ်ခြင်း၊ ချေးငွေလျှောက်ထားခြင်းနှင့် အခြားသောဝန်ဆောင်မှုများ ကို အပြည့်အဝပေးအပ်နိုင်ရန်လည်း ဆောင်ရွက်လျက်ရှိပါသည်။
ဘဏ်လုပ်ငန်းသည် အများပြည်သူ၏ ယုံကြည်မှုအပေါ်တွင် မူတည်နေသည်ဟု ကျွန်တော်တို့က ယုံကြည် သည့်အလျောက် ဘဏ်အနေဖြင့် အစိုးရဌာနများမှ ထုတ်ပြန်ထားသည့် ညွှန်ကြားချက်များ၊ နိုင်ငံ၏ဥပဒေများ၊ Bank for International Settlement (BIS) ကဲ့သို့သော နိုင်ငံတကာဘဏ်လုပ်ငန်းဆိုင်ရာ အေဂျင်စီများမှ ချမှတ်ထားသည့် စံသတ်မှတ်ချက်များနှင့်အညီ ဆောင်ရွက်မှသာလျှင် အများပြည်သူ၏ ယုံကြည်မှုကို ရရှိနိုင်မည်ဖြစ်သည်။
အပ်နှံငွေဆိုင်ရာ သို့မဟုတ် ချေးငွေဆိုင်ရာ တစ်ဦးချင်း Customer ကိုဖြစ်စေ၊ ကော်ပိုရိတ် Customer ကိုဖြစ်စေ လက်ရှိလုပ်ငန်း သို့မဟုတ် စီမံကိန်းအသစ်များအတွက် ဘဏ္ဍာရေးဆိုင်ရာအခက်အခဲများကို သတ်မှတ်စည်းကမ်းချက်များဖြင့် ဒီဂျစ်တယ်နည်းဖြင့်သော်လည်းကောင်း၊ လက်ရောက်သော်လည်းကောင်း အဆင်ပြေချောမွေ့စွာ ဝန်ဆောင်မှုအပြည့်အဝပေးအပ်ရန် ကတိကဝတ်ပြုပါသည်။ ကျွန်တော်တို့၏ ရည်မှန်းချက်ဖြစ်သော “Customer များ၏ ရွေးချယ်အားထားစရာဘဏ်” တစ်ခုဖြစ်လာစေရေးအတွက် ကျွန်တော်တို့က ကြိုးပမ်းဆောင်ရွက်လျက်ရှိပါသည်။
ကျွန်တော်တို့၏ ဘဏ်ခွဲများသို့လာရောက်၍ ဘဏ်လုပ်ငန်းဆိုင်ရာ ဝန်ဆောင်မှုအမျိုးမျိုးကို ရယူအသုံးပြုကြ ပါရန် ဖိတ်ခေါ်အပ်ပါသည်။ ဘဏ်လုပ်ငန်းဆိုင်ရာ အလုပ်အကိုင်အခွင့်အလမ်းများရှာဖွေနေပါက MCB ဘဏ် အနေဖြင့် ငယ်ရွယ်ပြီးအရည်အချင်းရှိသော လူငယ်လူရွယ်များကို အကောင်းဆုံးသော အလုပ်အကိုင် အခွင့်အလမ်းများ ပေးအပ်လျက်ရှိပါသည်။
ရှေ့ဆက်၍လည်း ကျွန်တော်တို့အမြဲတမ်းယုံကြည်ချစ်ခင်စည်းလုံးကြပြီး နောင်လာမည့်နှစ်များစွာတွင် တိုးတက်အောင်မြင်အောင် အတူတကွကြိုးပမ်းဆောင်ရွက်ကြပါစို့ဟုပြောကြားရင်း နိဂုံးချုပ်ပြောကြားအပ် ပါသည်။
လေးစားစွာဖြင့်
မြန်မာနိုင်ငံအထူးကုမ္ပဏီများအက်ဥပဒေအရ ကုမ္ပဏီများမှတ် ပုံတင်ရုံး၏ (၃၀-၁၀-၁၉၉၁) ရက်စွဲပါ ကုမ္ပဏီမှတ်ပုံတင်အမှတ် (၂၇၄/၁၉၉၁-၉၂) ဖြင့် မှတ်ပုံတင်၍ အများပိုင်ကုမ္ပဏီလီမိတက်အဖြစ် ဖွဲ့စည်းခဲ့ပါသည်။ မြန်မာနိုင်ငံတော်ဗဟိုဘဏ်၏ (၂၅-၅-၁၉၉၂) ရက်စွဲပါ လုပ်ငန်းလိုင်စင်အမှတ် မဗဘ/ဂျေ(အိုင်)-၁(၅)၁၉၉၂ ဖြင့် ခွင့်ပြုချက်အရ ဘဏ်လုပ်ငန်းများကို စတင်ဆောင်ရွက်ခဲ့ပါသည်။
(၂-၆-၁၉၉၂) ရက်နေ့မှစ၍ အမှတ်(၃၈၃)၊ မဟာဗန္ဓုလလမ်း၊ ကျောက်တံတားမြို့နယ်၊ ရန်ကုန်မြို့တွင် ဘဏ်ဖွင့်လှစ် ၍ ဘဏ်လုပ်ငန်းများကို စတင်ဆောင်ရွက်ခဲ့ပါသည်။ မြန်မာနိုင်ငံတော်ဗဟိုဘဏ်၏ (၁၀-၁၈-၂၀၁၆) ရက်စွဲပါ လုပ်ငန်းလိုင်စင်အမှတ် မဗဘ/ပဘ (အာရ်) ဖြင့် ခွင့်ပြုချက်ရရှိခဲ့ပါသည်။ ၂၀၁၆ ခုနှစ် ငွေကြေးအဖွဲ့အစည်းများ ဥပဒေ ပုဒ် (၁၇၆) အရ မြန်မာနိုင်ငံသားများဘဏ်လီမိတက်၏ ခွင့်ပြုမတည်ငွေရင်းမှာ ကျပ် (၇၅) ဘီလီယံဖြစ်ပြီး ထည့်ဝင်ပြီးမတည်ငွေရင်းမှာ ကျပ် (၅၂) ဘီလီယံ ရှိပါသည်။
မြန်မာနိုင်ငံသားများဘဏ်သည် (၁၇-၈-၂၀၁၂) ရက်နေ့တွင် ဗဟိုဘဏ်မှ နိုင်ငံခြားဘဏ်လုပ်ငန်းများ လုပ်ကိုင်ဆောင်ရွက်ခွင့် (Authorized Dealer License) ကိုရရှိခဲ့ပြီး SWIFT (Society for Worldwide Inter Bank Financial Telecommunication) membership ကို (၅-၁-၂၀၁၃) ရက် နေ့တွင် ရရှိခဲ့ပါသည်။
Correspondent Bank များနှင့် ချိတ်ဆက်၍ ဘဏ်၏ Customer များအား နိုင်ငံခြားငွေဖြင့် စာရင်း ရှင်စာရင်းများ ဖွင့်လှစ်ခြင်း၊ ပို့ကုန်/သွင်းကုန် ငွေလွှဲလုပ်ငန်းများ၊ ငွေသားထုတ်ပေးခြင်းလုပ်ငန်းများ၊ Bank Guarantee လုပ်ငန်းများ၊ Account Transfer လုပ်ငန်းများ၊ RIA Money Transfer and Foreign Exchange Market လုပ်ငန်းများအား ဆောင်ရွက်ပေးလျှက်ရှိပါသည်။
(၂၄-၁၀-၂၀၁၁) ရက် နေ့တွင် Money Changer License ရရှိပြီးနောက် ကျောက်တံတားဘဏ်ခွဲ၊ မူဆယ်ဘဏ်ခွဲ၊ မန္တလေး ဘဏ်ခွဲ၊ ဒေါပုံဘဏ်ခွဲတို့တွင် Money Changer Counter များဖွင့်လှစ်၍ နိုင်ငံခြားငွေရောင်းဝယ် ခြင်းလုပ်ငန်းအား ဆောင်ရွက်လျှက်ရှိပါသည်။
Visa, Master Acquiring လုပ်ငန်းကို ၂၀၁၄ ခုနှစ်တွင် စတင်ဆောင် ရွက်ခဲ့ပြီး Citizen Card (Master Card) Issuing ကိုလည်း မြန်မာနိုင်ငံသားများဘဏ်မှ ဆောင်ရွက် လျှက်ရှိပါသည်။
မြန်မာနိုင်ငံသားများဘဏ်သည် ၂၀၁၆ခုနှစ်၊ သြဂုတ်လ (၂၆) ရက်နေ့တွင် ရန်ကုန်စတော့အိပ်ချိန်း၌ စာရင်းတင်၍ အစုရှယ်ယာများအား အရောင်းအဝယ်ပြုလုပ်ခဲ့ပါသည်။
“To become a strong, stable, sustainable, ethical and innovative bank which creates value for all stakeholders by harnessing and contributing to the progress of Myanmar”
