MCB ဘဏ်မှ အစုရှယ်ယာရှင်များထံသို့ (၁-၁၂-၂၀၂၀) နေ့တွင် မြန်မာ့ဆက်သွယ်‌ရေးလုပ်ငန်း၊ အမြန်ချောပို့ဖြင့် ဖိတ်ကြားလွှာပေးပို့ထားပြီးဖြစ်ပါသည်။ ဖိတ်ကြားလွှာ ရောက်ရှိချိန်တွင် ဖိတ်စာပေါ်တွင် အစုရှယ်ယာရှင်၏ လိပ်စာဖြင့် တွဲ၍ ဖော်ပြထားသည့် ဘဏ်၌မှတ်တမ်းတင်ထားသော အစုရှယ်ယာရှင်၏ Mobile ဖုန်းနံပါတ်အား မှန်/မမှန် စစ်ဆေးပေးရန် လိုအပ်ပါသည်။ (ဖိတ်ကြားလွှာတွင် Mobile ဖုန်းနံပါတ် မပါရှိပါက (သို့)  ကွဲလွဲနေပါက မိမိတို့၏ Mobile ဖုန်း နံပါတ် အမှန်များအား 09 974039934 ထံသို့ (၁၅-၁၂-၂၀၂၀) နေ့ ရုံးချိန်အတွင်း နောက်ဆုံးထား၍ ပေးပို့သူ အစုရှယ်ယာရှင်၏ အမည်၊ ရှယ်ယာပိုင်ဆိုင်မှုအရေအတွက်၊ မှတ်ပုံတင်အမှတ်နှင့် Mobile ဖုန်းနံပါတ်တစ်ခုကို Messages  ပေးပို့ရန် လိုအပ်ပါသည်။)

၁၉-၁၂-၂၀၂၀ နေ့ နံနက် (၁၀:၀၀) နာရီအချိန်တွင် အောက်ပါအချက် (၄)ချက်အား အတည်ပြုရန်အတွက် အစုရှယ်ယာရှင်များ၏ သဘောထားရယူရန် အတွက် ဆန္ဒမဲပေးရမည့် Link အား Election Buddy ၏ Online Voting SMS No. +1(484)900xxxx    ဖြင့် ပေးပို့မည်ဖြစ်ပါသည်။ အစုရှယ်ယာရှင်များ အနေဖြင့် Link ရရှိချိန်မှစ၍ ၂၀-၁၂-၂၀၂၀ နေ့ နံနက် (၀၉:၀၀) ထက်နောက်မကျဘဲ မိမိတို့၏ သဘောထားအား ဆန္ဒပြုပေးပါရန် မေတ္တာရပ်ခံအပ်ပါသည်။

1.  ၁၄-၁၂-၂၀၂၀ နေ့တွင် အစုရှယ်ယာရှင်များ ကြိုတင်လေ့လာနိုင်ရန် မြန်မာနိုင်ငံသားများဘဏ်လီမိတက်၏ Website အမှတ် https://www.mcb.com.mm တွင် တင်ပြထားသည့် ၂၀၁၉-၂၀၂၀ ဘဏ္ဍာ‌ရေးနှစ်၊ ဒါရိုက်တာအဖွဲ့အစီရင်ခံစာ စာရင်းရှင်းတမ်းနှင့် စာရင်းစစ် အစီရင်ခံစာများကို အတည်ပြုရန်၊
2.  ၂၀၂၀-၂၀၂၁ ခုနှစ်အတွက် တာဝန်ယူမည့် ဒါရိုက်တာ အဖွဲ့ဝင်များ ခန့်အပ်ခြင်းအား အတည်ပြုရန်၊
3. ၂၀၂၀-၂၀၂၁ အတွက် တာဝန်ယူဆောင်ရွက်ရန် သီးခြားလွတ်လပ်သောဒါရိုက်တာ (၁) ဦး ခန့်အပ်ရန် (၀၇.၁၂.၂၀၂၀) နေ့၌ ကျင်းပပြုလုပ်သည့် မြန်မာနိုင်ငံသားများဘဏ်လီမိတက် ၏ BOD အစည်းအဝေးတွင် ဒါရိုက်တာအဖွဲ့မှ ဆွေးနွေးဆုံးဖြတ်ခဲ့ခြင်းအား အတည်ပြုရန်၊
4.  ၂၀၂၀-၂၀၂၁ ဘဏ္ဍာနှစ်အတွက် ပြင်ပစာရင်းစစ်အဖြစ် Win Thin & Associate  ခန့်အပ်ခြင်းကို အတည်ပြုရန်၊